سياسة الخصوصية

اللي بنجمعه

• بيانات حسابك، الاسم والايميل، وكلمة السر متخزنة متشفرة.
• بيانات نشاطك اللي بتقدمها لبناء موقعك، زي لينك موقعك الحالي ووصف خدماتك وصورك.
• تسجيل الدخول بجوجل اختياري، وبنستلم منه اسمك وايميلك بس.
• بيانات الدفع بتتم بالكامل عند مزود الدفع المرخص، وإحنا ما بنشوفش ولا بنخزن بيانات كارتك.

التحليلات والكوكيز

• بنستخدم أداة تحليلات بتحترم الخصوصية لقياس زيارات الموقع من غير ما تتبعك عبر مواقع تانية.
• بنستخدم Microsoft Clarity لفهم استخدام الموقع وتحسينه من خلال مقاييس الاستخدام وتسجيل الجلسات، مع إخفاء البيانات الحساسة في التسجيلات. تفاصيل معالجة مايكروسوفت للبيانات في بيان خصوصية مايكروسوفت.
• الكوكيز الأساسية بتشغل تسجيل الدخول والجلسات، ومفيش عندنا كوكيز إعلانات.

بيانات زوار موقعك

لما موقعك يشتغل ومعاه المساعد الذكي وصندوق العملاء، محادثات الزوار وبيانات المهتمين بتتجمع لصالحك انت وبتظهر في حسابك. إحنا بنعالجها بالنيابة عنك وما بنستخدمهاش لأي غرض تاني.

إزاي بنستخدم بياناتك

• تشغيل الخدمة وبناء موقعك.
• التواصل معك بخصوص طلباتك وحسابك.
• تحسين المنتج.
• ما بنبعش بياناتك لحد، ومفيش إعلانات مبنية على بياناتك.

مشاركة البيانات مع مزودي الخدمة

بنشارك أقل قدر لازم من البيانات مع مزودين بيشغلوا الخدمة:

• الاستضافة والبنية التحتية.
• خدمة البريد الإلكتروني.
• مزود الدفع المرخص.
• Anthropic (Claude)‎، مزود نموذج الذكاء الاصطناعي اللي بيبني موقعك ومتجرك ويعدّلهم، وبيكتب مستنداتك وعروضك ومحاضر اجتماعاتك وبوستاتك: بيستلم اللي الشغل ده محتاجه بس، زي بيانات شركتك ومحتوى موقعك وملفاتك وتفاصيل الصفقات والاجتماعات اللي بتضيفها.
• OpenAI، مزود نموذج الذكاء الاصطناعي اللي بيكتب ردود المساعد على عملائك في الإيميل وواتساب وموقعك، وبيرسم صور موقعك: بيستلم المحادثة اللي بيرد عليها مع معلومات شركتك اللي محتاجها، ووصف الصور.
• Google (Gemini)‎، مزود نموذج الذكاء الاصطناعي اللي بيقرا الإيميلات الجاية وإيصالات الدفع بالنيابة عنك، وبيحوّل الرسايل الصوتية لنص، وبيقترح صياغة، وبيرد على عملائك لو OpenAI مش متاح: بيستلم بس الرسايل والملفات والرسايل الصوتية اللي بيشتغل عليها.
• Perplexity، مزود نموذج الذكاء الاصطناعي اللي بيصنّف رسايل عملائك على الإيميل وواتساب ويراجع ردود المساعد لما الخصائص اللي بتستخدمه تكون شغالة: بيستلم نص الرسالة أو نص الملف المرفق، ورد المساعد أو المسودة اللي بتتراجع، ومعلومات نشاطك المعتمدة لما المراجعة تحتاجها، كله مختصر ومن غير بيانات التواصل. ولما تصنيف الصور يكون شغال، بيستلم كمان الصور اللي عملاءك بيبعتوها في المحادثة (زي إيصال تحويل أو صورة منتج) عشان يعرف نوع الصورة بس؛ ولو كانت بطاقة هوية، بياناتها مش بتتقري ولا بتتنقل.

كل مزود بيستلم بس اللي محتاجه عشان يقدم خدمته.

الاحتفاظ بالبيانات وحقوقك

• بنحتفظ ببياناتك طول ما حسابك شغال.
• تقدر تطلب نسخة من بياناتك أو حذفها في أي وقت عبر hello@getwajha.com.
• حذف الحساب بيحذف بياناتك خلال مدة معقولة، مع استثناء اللي القانون بيلزمنا نحتفظ بيه.

الأمان

بياناتك بتتنقل متشفرة، وكلمات السر متخزنة متشفرة، والوصول الداخلي للبيانات محدود بأقل صلاحيات ممكنة.

تحديث السياسة

لو حدثنا السياسة هننشر النسخة الجديدة هنا بتاريخها.

تواصل معنا

أي سؤال عن خصوصيتك، ابعتلنا على hello@getwajha.com.